之前有一條介紹大埔粉果佬燒賣
不過網民評價超級兩極
有興趣朋友可以去YouTube重溫 按我重溫
·
今次帶大家食另外兩間出名燒賣
首先出場係荃灣選手
【#荃灣 冠華粉麵】
離開停車場🅿️
好易就搵到冠華
離遠都見到個蒸爐
入面仲係舊式裝修(有fu)
.
親身實測分享🙋🏻♀️🙋🏻♂️
坐低食左牛腩河同燒賣($12/7粒)
個燒賣一食不得了
牛腩河都係,腩汁好食
加埋辣油再飲支可樂(勁Gur~
已經決定下次要再揸車嚟食(⁎⁍̴̛ᴗ⁍̴̛⁎)
✨✨✨✨✨✨✨✨
冠華粉麵
地址:荃灣石圍角村石芳樓地下7號舖
✨✨✨✨✨✨✨✨
食完可以去城門谷公園(南園)🐢
由石圍角邨行去南園近好多
.
親身實測分享🙋🏻♀️🙋🏻♂️
星期六去到呢個公園,
龜仲多過人😆!!!
.
當然係因為佢嘅位置比較偏僻,
但揸車嚟講,唔算難去,
附近又有停車場,
唔使等位都可以泊車🅿️
值得一去指數:❤️❤️❤️❤️🖤!
扣左一個心係因為附近嘅食店比較少,
如果你唔“好“燒賣同粉麵,
就要自備食物喇~
·
拎返車,我哋直接出發去屯門!
【雲集美食高手嘅龍門居】
去完之後,我好羨慕住呢頭嘅人😖…
.
本身係一心為左老朱燒賣而去
點知星期六下午3點34分已經賣晒仲洗埋爐😭
我諗下次要再早啲去(下定決心👿
.
親身實測分享🙋🏻♀️🙋🏻♂️
食唔到老朱都唔使太傷心嘅…
因為隔離有好多好嘢食,
買左芋圓豆腐花彌補心靈創傷,
上網睇左仲有以下小食
👉🏻摩登士丹里:芋圓、仙草(有啲似鮮芋仙
👉🏻海豐古老腸粉:手拉腸粉
👉🏻好拍檔:章魚小丸子
👉🏻街頭小食風味:串燒、炸蠔餅
👉🏻龍門手工豆腐花:好多款唔同嘅豆腐花
👉🏻仲有好多小食嘅,揀左幾間自己有興趣嘅分享住先
大家如果有其他心水推薦,歡迎留言話我哋知~
嚟緊會再返去挑戰多次老朱!
.
買左成手小食,去邊到歎?
留意下一個post~
距離16分鐘車程,
有一個非正(zing3)式但好正(zeng3)嘅沙灘🤤
【日落秘境-龍鼓灘】
係Youtube教左大家點定位去呢到
泊好車,就可以行過去沙灘個邊
.
親身實測分享🙋🏻♀️🙋🏻♂️
話說泊好車之後,發現無人畀飛仔我哋
於是去問士多老闆,停車點計?有無飛?
老闆隨心話:你都唔會停好耐喇?到時再收一個鐘錢得喇。
跟住老闆就走左🚶♂️
🤣🤣🤣🤣🤣🤣
.
星期六嚟講,都算少人
隔離有個新新地嘅公廁
日落時候可以影到剪影輪廓相📸
.
💩要小心行人路上有狗屎
⭐️唔可以游水
⭐️自己垃圾自己帶走🙏🏻,見到沙灘上幾袋垃圾🥲
Comments