呢到應該係最易去嘅紅葉景🤣
想睇紅葉，最出名就係大棠同流水響，
不過呢2個地方都唔係咁易揸車去
(塞車塞到懷疑人生😫)
所以今次推介【青衣公園】
湖邊都有一排松樹🍂🍁
仲可以去附近食到隱藏街市美食
再幫埋愛車影相留倩影(´▽｀)
一條路線滿足晒3個願望⭐️⭐️⭐️
【青衣公園泊車TIPS🅿️】
如果諗住喺青衣城買嘢食嘢，
咁最平一定喺泊商場用免費泊車😌
但！！！
如果只係想睇紅葉🍁
推薦大家泊【青衣運動場】✨✨✨
***星期日實地考察發現青衣城full晒
但運動場停車場🅿️都仲有吉位😏***
．
平日$8半小時 假期$9半小時
泊完車兩分鐘就去到青衣公園，超近超方便💕
車位又大，條路又平，勁好泊！
.
老實講⋯青衣公園嘅紅葉🍁範圍係細啲
建議大家可以去長發美食街買食物
再去青衣公園進行懶人野餐🤤
.
如果淨係想睇紅葉停半個鐘其實夠晒用🤣
咁呢個停車場係以「半小時」為收費單位,FIT晒！
.
【長發街市】入面有不同小食店，
幾間鋪頭就可以掃勻咸點同甜品：
Chill Sweet 主打甜野：梳乎厘，窩夫，中式糖水🍧
鬍鬚仔 ：漢堡，熱狗，薯條🍟
裕發蒜爆 港式小食：蠔餅🦪，蒜香🧄雞翼，炸燒賣🤩
自家製 - 手拉腸粉：超多口味，不能盡錄😂
以上店舖係無堂食位置，可以買去野餐食❇️
想坐低食就可以去長發商場～
．
而家禁晚市關係，好多餐廳都有外賣折扣，
大家都可以買外賣去野餐（懶人野餐法🤣）
長發街市/商場同青衣運動場🅿️都係5分鐘以內車程
買完再去公園坐低都仲熱辣辣♨️
．
🅿️🅿️🅿️
要去長發街市，架車要泊長發商場
商場電子消費滿$200可以免費泊車（街市消費唔計）
時租假期係$23 平日係$17
Comments