呢集叫做 #泊低架車你去玩 😆
顧名思義就是泊低架車，你去玩
因為總有啲地方係揸車去唔到😖
但有時一家大小或者住得太遠
都想車到幾近就幾近😜
所以今次就同大家入愉景灣
但留低架車係欣澳🙈
．
冷知識時間🧊
大家知唔知愉景灣係用緊咩燃料？
竟然係石油氣 - 𝗗𝗦𝗚 𝗘𝗻𝗲𝗿𝗴𝘆 !
原來石油氣唔止得一罐罐，
仲可以經管道送上屋企！
超級冷知識又增加了（笑）
．
Google map 搵唔到「欣澳停車場」
用高德地圖就可以搵到😳
如果想用Google map
就去欣澳道近運輸交通處前左轉⚠️
講返欣澳停車場，日泊都幾正
由中午12點計到夜晚12點，如果入愉景灣玩
食埋晚餐出嚟都仲計緊1個日泊
我覺得好抵玩😆
【愉景灣北商場】
愉景灣可以分開兩邊↔️
今次先同大家講北商場嗰邊
可以係欣澳站轉巴士D803P入去
成人$12 小童$6
一落車就係商場入口，超方便😍
呢個商場唔算好多，但勝在好多餐廳
可以先食lunch，之後行下情人鎖海旁
再行去三白灣搵下馬仔🐎
或者去教堂嗰邊影相📸️
好熱就去餐廳食個tea或者飲杯茶🍵
歎一陣冷氣，咁就hea左半日
之後就可以坐巴士去碼頭嗰邊！
．
親身實測分享🙋🏻♀️🙋🏻♂️
因為去嗰日其他餐廳要等
得呢間泰國餐廳唔使等位
就揀左佢，結果就係…終於明點解無人等位😅
炒飯都正常，但湯河嘅牛肉好老同無牛肉味
餐廳：Taste Of Thai Cuisine & Bar
之後再去左另一間茶室食蛋糕同飲茶🫖
香蕉蛋糕好食～
同埋茶幾好飲，佢唔係台式飲品
所以飲落無負擔同埋都有冰茶提供
我覺得呢個飲食體驗幾特別🥰
可惜佢無正餐，只能當下午茶／小點心
餐廳：HanMade Teahouse
．
尋找他馬的故事
我哋嗰日真係搵左隻馬好耐，都搵唔到😟
不過沿路係咁見到馬嘅路牌，覺得好新鮮😆
【愉景廣場－愉景灣另一邊】
坐9號巴士就可以由北商場嚟呢到
呢邊就大啲，一落車就見到slowood
勁大間，勁好行🤩
之後落去廣場中心
環繞一圈都係不同商店😎
再行去大白灣，係一個好大嘅沙灘
有人打沙排／放狗／放龜🐢
沙灘尾有兒童設施
好多小朋友都玩得好開心👶🏻👧🏻
．
海邊都有一排餐廳
有平有貴，任君選擇
不過，如果想用到免費回程交通優惠
就要留意有邊啲餐廳先換到票
要去佢哋嘅網頁睇詳情
．
碼頭喺呢邊，如果大家回程想搭船就係呢到🛳
所以我哋建議大家先去北商場再嚟呢到
咁就可以玩晒2邊又唔使走嚟走去
．
親身實測分享🙋🏻♀️🙋🏻♂️
晚餐：Hemingway's By The Bay
我鍾意佢有好多嘅室外座位
而且對住海邊，坐得舒服
價錢小小貴不過份量好大
如果2個人嚟食，唔好叫Pizza
食唔晒🤣打包走
如果唔想食地中菜，附近都有好多選擇
．
今次嘅愉景灣完滿結束～
坐巴士去欣澳站拎返架車（8點幾左右）
先發現日泊係去到23：59
大家唔使急住走，可以玩耐啲先走都得🤣
．
分享完畢～大家去玩可以回圖畀我哋po story呀～～
Comments