今次打卡嘅主角係…架車😳✨！
一齊上山頂，2大影車打卡位，
分別係山頂花園守衛室同白加道，
而白加道仲有一個隱藏位，
適合細車或者電單車🏍️，
新手入去前記得睇片三思！
．
之前收集嘅白加道車友回圖喺影片中
去到個個位置，真係點影都靚！
日頭同夜晚都有唔同感覺📸～
．
平時睇開「車你去玩」嘅車友們
今次係旁白君第一次現身
無乜幕前經驗嘅我…真係獻醜了
嚟緊都有新計畫想開拍「坐你架車」
顧名思義…就係坐你架車
介紹下唔同車主同佢嘅愛車🚘
等大家可以睇下多啲唔同車款
以及聽下真實車主反應
愛恨纏綿可歌可泣嘅故事（？！
可以去IG留言同我哋分享下你嘅睇法～
【山頂公園️ 熱門遊車河地點】
過左山頂廣場，轉左上就係去山頂公園！
山頂有咪錶場、小食亭、同樂徑
#同樂徑 就係今次介紹嘅15分鐘行山路線
幾易行又好影相，不過條路徑無欄杆👀
帶小朋友或者寵物就要小心啲～
．
⚠️車友溫馨提示🚸
1️⃣上去條路後半段係單線行車🚗經過讓車處就留意定對頭有冇車
2️⃣山頂條路都多彎位，記得睇片，有影到成條路
3️⃣夜晚上去好暗，個段路無乜燈
4️⃣咪錶場好易爆，建議早啲或者平日去 #我哋拍攝日係星期三
5️⃣咪錶場裡面好窄，如果等位就喺入口處等，入面嘅車又易啲出嚟
6️⃣行山人士/狗狗🐶都係行同一條路，留意下左右，慢慢揸～
【久仰大名嘅白加道】
之前有車友推薦去白加道影車相📸
今次終於去左🎉
白加道係普通車路，不過較少車出入
大家可以偷位影相，但係唔可以長泊🙅🏻♀️
快閃影完就走～
➡️打卡位1係比較多車友選擇嘅影相位
大約喺白加道24號左右，調頭位喺31號左右
順住白加道入去就會見到～
➡️打卡位2就係入小小，但係⚠️
入去條路好窄，調頭位置都唔闊，
大家可以睇片，熟習下環境先！
⚠️建議細車／電單車／有信心車友先入去⚠️
．
山頂公園↔️白加道
建議大家可以一日去晒，不過先後次序就睇自己鍾意
白加道日頭同夜晚係兩種感覺🌇🌃
可以睇車友賜圖感受下！
